Польша терма жамоаси бош мураббийи Михал Пробез жамоанинг 2024 йилда Германияда бўлиб ўтадиган Европа чемпионатидаги иштирок этиши ҳақида гапирди.
Сўнгги саралаш плей-офф ўйинида польяклар Уэлс терма жамоасини 0:0 (пеналтилар бўйича 5:4) ҳисобида мағлуб этишди.
“Биз яхши ва ҳиссиётларга бой ўйин кўрсатдик. Бу биз учун жуда муҳим кун эди. Роберт Левандовскидек футболчилар дунёда кам. У билан биз кўп нарсага эриша оламиз", - дея Пробезнинг сўзларини келтиради УEФА расмий сайти.
Саралаш босқичида Левандовски барча 8 учрашувда майдонга тушиб, 3 та гол урди ва 2 та голли узатмани амалга оширди.
Европа чемпионатида Польша Нидерландия, Австрия ва Франция билан “D” гуруҳида ўйнайди.
