Польша терма жамоаси бош мураббийи Михал Пробеж жамоанинг 2024 йилда Германияда бўлиб ўтадиган Европа чемпионатидаги иштироки ҳақида гапирди.
Сўнгги саралаш плей-офф ўйинида польяклар Уэльс терма жамоасини 0:0 (пенальтилар бўйича 5:4) ҳисобида мағлуб этишди.
"Биз яхши ва ҳиссиётларга бой ўйин кўрсатдик. Бу биз учун жуда муҳим кун эди. Роберт Левандовскидек футболчилар дунёда кам. У билан биз кўп нарсага эриша оламиз", - деди Пробеж УЕФА расмий сайтига.
Саралаш босқичида Левандовски барча 8 учрашувда майдонга тушиб, 3 та гол урди ва 2 та голли узатмани амалга оширди.
Европа чемпионатида Польша Нидерландия, Австрия ва Франция билан "D" гуруҳида ўйнайди.
Турнир 14 июндан 14 июлга қадар Германияда бўлиб ўтади. Амалдаги Европа чемпиони финалда Англия терма жамоасини 1:1 (3:2) ҳисобида мағлуб этган Италия терма жамоаси ҳисобланади.
