Каталониянинг "Барселона" клуби Бильбаонинг "Атлетик" клуби ҳужумчиси Нико Уильямсни кузатишда давом этмоқда.
Журналист Тони Хуанмартнинг хабарига кўра, 21 ёшли футболчи каталонияликларнинг нишонида қолмоқда.
Манбанинг эслатишича, Уильямснинг шартномасида товон пули 50 миллион еврони ташкил қилади. "Барселона"да молиявий муаммолар бор, шунинг учун келишувни амалга ошириш анча қийин бўлади.
Испания чемпионатининг жорий мавсумида Уильямс 3 та гол ва 8 та голли узатмани амалга оширди. Ёш иқтидор соҳибига Англия Премьер-лигаси клублари ҳам эътибор қаратаётгани аввалроқ хабар қилинганди.
