Сешанба оқшомида Мадридда Испания ва Бразилия терма жамоалари ўртасида ўртоқлик учрашуви бўлиб ўтди.
Ижтимоий тармоқларда "Сантьяго Бернабеу" трибуналаридан олинган видеолар пайдо бўлди. Ушбу тасвирларда ўйин охирида жамоаларнинг икки футболчиси - Винисиус Жуниор ва Альваро Мората техник зоналар ҳудудида қандай жанжаллашиб қолгани кўрсатилди.
Жанжалга нима сабаб бўлгани номаълум. Винисиус Мората ва бошқа испанларни нима учундир қоралагандек бўлди. Бразилиялик футболчилар ҳатто "Реал Мадрид" футболчисини судраб кетишга мажбур бўлишди.
Эслатиб ўтамиз, Испания ва Бразилия терма жамоалари ўртасидаги ўртоқлик учрашуви 3:3 ҳисобида якунланганди.
