Лорис Кариуснинг хотини Дилетта Леотта дарвозабонни "Ньюкасл"дан кетишга чақирмоқда. Телебошловчининг сўзларига кўра, германиялик дарвозабон Италияда ўйнаса яхши бўларди.
"Умид қиламанки, Лорис фаолиятидаги энг яхши танловни амалга оширади. Мен Миланда яшайман ва қулайлик нуқтаи назаридан, агар у яқин жойда бўлса, идеал бўлар эди. Агар у Италияда ўйнаса ва оиласига яқин бўлса хурсанд бўлардим. "Ньюкасл" жуда ноқулай, чунки у ерда тўғридан-тўғри рейслар йўқ", - дейди Леотта Tuttosport нашрига.
Айтиш жоизки, Лорис Кариус ва Дилетта Леотта қиз фарзандни тарбияламоқда. Эслатиб ўтамиз, 2023/2024 йилги мавсумда Кариус атиги битта ўйин ўтказган.
