"ПСЖ" ҳужумчиси Гонсалу Рамуш "Милан"нинг трансфер мақсадларидан бири бўлиб қолмоқда.
Ўтган ҳафтада хабар қилинганидек, португалиялик футболчи мавсум охирида МЛСга ўтишни кутаётган Оливье Жирунинг ўрнини босувчи футболчи сифатида кўрилмоқда. La Reppublica хабарига кўра, "Милан" Рамушни ўз сафига қўшиб олмоқчи, бироқ итальян клуби футболчининг тўғридан-тўғри трансферини амалга ошира олмайди. Келишув фақат парижликлар форвардни кейинчалик сотиб олиш имконияти билан ижарага беришга рози бўлган тақдирдагина амалга ошиши мумкин.
Гонсалу Рамушнинг "ПСЖ" билан шартномаси 2028 йилгача мўлжалланган. Transfermarkt экспертлари 22 ёшли футболчининг нархини 50 миллион еврога баҳоламоқда.
