"Болонья" устози Тьяго Мотта унга Италиянинг бир қанча етакчи клублари қизиқиш билдираётгани ҳақида фикр билдирди.
Аввалроқ ОАВда "Ювентус" ва "Милан" Моттани таклиф қилмоқчи экани ҳақида маълумотлар пайдо бўлганди.
"Айни пайтда ўзимни ажойиб ҳис қиляпман. Бугун мен келажагим ҳақида ўйламайман, биз ажойиб лаҳзада турибмиз, биз ундан завқланишни хоҳлаймиз. Улар менга шундай эътибор қаратишаётганидан, жамоамиз эътироф этилганидан хурсандман", - дея Мотта сўзларидан иқтибос келтиради Tuttomercato.
Жорий мавсумда "Болонья" 29 турда 54 очко жамғариб, турнир жадвалида тўртинчи ўринда бормоқда.
