"Барселона Атлетик" бош мураббийи Рафаэль Маркес ҳамон Хави Эрнандеснинг ўрнини босувчи номзод сифатида кўрилмоқда.
"Барселона" Хавини сақлаб қолишни режалаштирмоқда, бироқ у кетишга қарор қилиши мумкин - унинг қарори фақат Ла Лига ёки Чемпионлар Лигасида ғалаба қозонган тақдирдагина ўзгариши мумкин. Mundo Deportivo нашрининг янгиланган маълумотларига кўра, агар каталонияликлар амалдаги мураббийни ишонтира олмаса ва унинг ўрнига асосий номзодлар – Ханс-Дитер Флик ва Луис Энрике рад жавобини берса, бу лавозим учун фаворит Рафаэль Маркес бўлади.
Мексикалик футболчи 2022 йилнинг июлидан бери "Барса Атлетик"да ишламоқда. Футболчи сифатида у 2003 йилдан 2010 йилгача "Барселона"да ўйнаган.
