Испания терма жамоаси ярим ҳимоячиси, ҳозирда Германиянинг “РБ Лейпциг” клубида тўп тепаётган Дани Ольмо ватанига қайтиши мумкин.

Футболчининг хизматларига "Барселона" президенти Жоан Лапорта шахсан қизиқмоқда. "Блауграна" ярим ҳимоячини ёзги трансфер ойнасида қўлга киритишга ҳаракат қилади. Олдинроқ Ольмони немис клубидан 60 миллион еврога сотиб олиш мумкинлиги ҳақида хабарлар тарқалганди. Футболчининг "буқалар" билан шартномаси 2027 йилнинг ўрталарига қадар тузилган.

Германия чемпионатининг жорий мавсумида ярим ҳимоячи 15 та учрашувда иштирок этган. Ольмо учта гол ва тўртта голли узатмани амалга оширди.

Эслатиб ўтамиз, Дани айнан "Барселона" тарбияланувчиси ҳисобланади.