"Наполи"нинг грузиялик вингери Хвича Кварацхелия ўтган сешанба куни миллий терма жамоасининг Грецияга қарши ўйинида (0:0, 4:2 пен.) жароҳат олди.
Неапол клуби етакчи футболчиларидан бирининг жароҳати юзасидан баёнот берди. Баёнотда айтилишича, терма жамоадан қайтгач, Хвича кўрикдан ўтказилган ва унга чап соннинг қўшимча мушакларининг оғир контрактураси ташхиси қўйилган.
Натижада сўнгги машғулотда грузиялик ўз жамоасидан алоҳида шуғулланди. Қанот футболчиси "Наполи"нинг 30-мартга белгиланган А Серия доирасидаги "Аталанта"га қарши навбатдаги ўйинини ўтказиб юбориши мумкин.
