"Napoli"ning gruziyalik vingeri Xvicha Kvarasxeliya o‘tgan seshanba kuni milliy terma jamoasining Gresiyaga qarshi o‘yinida (0:0, 4:2 pen.) jarohat oldi.
Neapol klubi yetakchi futbolchilaridan birining jarohati yuzasidan bayonot berdi. Bayonotda aytilishicha, terma jamoadan qaytgach, Xvicha ko‘rikdan o‘tkazilgan va unga chap sonning qo‘shimcha mushaklarining og‘ir kontrakturasi tashxisi qo‘yilgan.
Natijada so‘nggi mashg‘ulotda gruziyalik o‘z jamoasidan alohida shug‘ullandi. Qanot futbolchisi "Napoli"ning 30-martga belgilangan A Seriya doirasidagi "Atalanta"ga qarshi navbatdagi o‘yinini o‘tkazib yuborishi mumkin.
