"Лилль" бош мураббийи Пауло Фонсека иш жойини ўзгартириши мумкин, дея хабар беради L’Équipe нашри.
Мавсум охирида португалиялик мураббийнинг "Лилль" билан шартномаси якунига етади. Манбанинг хабар беришича, мутахассисни таклиф қилишга "Марсель" ва "Лион" қизиқиш билдирмоқда.
"Марсель" ёзда вақтинчалик бош мураббий Жан-Луи Гасс билан хайрлашади. Бир йил аввал клуб Фонсекага қизиқиш билдирганди, аммо уларнинг танлови Марселиньо бўлди. Бироқ, ҳозир португалиялик мураббий "Марсель" учун устувор аҳамиятга эга.
"Лион" ҳам Фонсека учун даъвогарлар қаторида. Пьер Саж ёзда клубни тарк этиши мумкин, шунинг учун унинг ўрнига Фонсека номзоди кўриб чиқилмоқда. "Тақачилар" эгаси Жон Текстор Пауло мухлиси.
Бироқ, манбага кўра, Фонсека "Лилл"да қолмоқчи, гарчи мутахассис ҳеч қачон сезиларли молиявий имкониятларга эга клубни бошқариш истагини яширмаган бўлса-да.
Унинг "Лилль" президенти Оливье Летанг билан келажаги борасидаги учрашуви мавсум якунига қадар бўлиб ўтади.
Фонсека 2022 йилдан буён "Лилль" клубини бошқариб келмоқда.
