"Манчестер Сити" бош мураббийи Пеп Гвардиола инглиз жамоасини тарк этишни режалаштирмоқда.

Football Insider хабарига кўра, Гвардиола амалдаги шартномаси 2025 йилнинг ёзида якунига етганидан кейин "Манчестер Сити"ни тарк этади.

Шу тариқа, испаниялик тўққиз мавсум давомида "шаҳарликлар" билан ишлаш миссиясини бажарган бўлади.

Қайд этилишича, Гвардиола «Манчестер Сити»ни тарк этгач, мураббийлик фаолиятида танаффус қилишни режалаштирмоқда.

Гвардиола қўл остида "Манчестер Сити" тарихда илк бор УEФА Чемпионлар лигасида ғолиб чиқди. Ўтган мавсумда инглиз жамоаси требл қилишга муваффақ бўлди.

Испаниялик бошқарувида "шаҳарликлар" беш марта Англия чемпионлигини қўлга киритишга муваффақ бўлди.