Бугун “Навбаҳор” уй учрашувларини ўтказадиган “Марказий” стадионида йиғилиш ўтказилди. Уни Наманган шаҳар, Давлатобод тумани ҳокими Анваржон Тожимирзаев олиб борди, дейилади клуб матбуот хизмати хабарида.
Хабарга кўра йиғилишда ташкилий масала кўрилди. “Навбаҳор” ПФК президенти Расул Низамбаев соғлигидаги муаммолар сабабли, ўз аризасига биноан истеъфога чиққани маълум қилинди. Шунингдек, Бахтиёр Нурматов яна “Навбаҳор” клуби директори лавозимига қайтди.
Бунгача ушбу лавозимда фаолият юритган Акмал Сохибов эса директор ўринбосари вазифасини бажарувчи лавозимида ишлайдиган бўлди.
