Мадриднинг “Реал” клуби Леверкузеннинг “Байер” клуби бош мураббийи Хаби Алонсони 2025 йилда бош мураббий этиб тайинлашни режалаштирмоқда, деб хабар бермоқда Испаниянинг Sport.es интернет нашри.
Манбага кўра, мутахассиснинг кейинги мавсумда "Баер"да қолиш қарорига унинг "Лос-Бланкос"нинг Карло Анчелоттидан кейинги бош мураббийи бўлишни истаётгани сабаб бўлиши мумкин. Аввалроқ "Ливерпуль" Хабини таклиф қилиш ғоясидан воз кечгани хабар қилинганди.
Испаниялик мураббий 2022 йилдан бери Леверкузеннинг "Байер" клубини бошқаради. Германия чемпионатининг жорий мавсумида 26-турдан кейин Алонсо бошчилигидаги “Байер” 70 очко билан турнир жадвалида пешқадамлик қилмоқда.
