"Манчестер Юнайтед" бош мураббийи Эрик тен Хаг жума куни бўлиб ўтган матбуот анжуманида ҳимоячи Люк Шоунинг аҳволи ҳақида гапирди.
Нидерландиялик мутахассиснинг фикрича, Шоу бу мавсумда жамоада ўйнайди.
"Унинг ушбу мавсумда майдонга қайтишини кутаман. Соғайиш жадвал бўйича кетмоқда ва у жамоага қайтади”, - деди Тен Хаг журналистларга.
Люк Шоу февраль ойининг ўрталаридан бери мушак жароҳати туфайли "Манчестер Юнайтед" касалхонасига жойлаштирилган эди. Аввалроқ, Англия терма жамоаси бош мураббийи Гарет Саутгейт Шоу мавсум якунида футбол майдонига қайтишини айтганди.
"Манчестер Юнайтед" ҳозирда АПЛ турнир жадвалида олтинчи ўринда бормоқда.
