Ҳимоячи Лисандро Мартинесда "Брентфорд"га қарши бўлиб ўтадиган АПЛ ўйинида майдонга тушиш имконияти бор. Бу ҳақда журналистларга "қизил иблислар" бош мураббийи Эрик тен Хаг айтиб ўтди.
“Яна бир машғулотимиз бор, бироқ баъзи футболчилар қайтиши мумкин. Мартинеснинг таркибда бўлиши эҳтимоли бор. Биз уни ҳар бир ўйинда ўрнини сездик, чунки у жамоага хотиржамлик ва ғалаба қозониш муносабатини олиб келади, бу эса бизнинг даражамизни оширади", - деди Тен Хаг матбуот анжуманида.
“Брентфорд” – “Манчестер Юнайтед” учрашуви 30 март, шанба куни бўлиб ўтади.
Айтиш жоизки, Мартинес жароҳати сабаб “Манчестер Юнайтед”да деярли икки ой ўйнамади.
