Суперлига 4-туридан ўрин олган ОКМК – "Бунёдкор" (1:0) учрашувидан сўнг меҳмонлар бош мураббийи Анвар Ғофуров ўз фикрларини билдириб ўтди.

"Режаларимиз бошқача эди. Учрашув аввалида ўйинимиз қовушмади. Таркибимизда ёшлар кўпчиликни ташкил қилади. Бугунги баҳс улар учун дарс бўлади, деб ўйлайман. Тўп назоратини ушлаб туриб, ўз вазиятларимизни кутиб, улардан фойдаланаишни мақсад қилган эдик.

Захирага олиниш – ҳеч бир футболчига ёқмайдиган жараён. Биз 10 киши бўлиб қолган эдик ва вазиятни ҳис қилган ҳолда Ўткировни захирага олишга қарор қилдик. Бу унинг учун ҳам дарс бўлади. Фарҳод келгуси беллашувларга янада яхши тайёрланиб, ўзига берилган вақтдан унумли фойдаланади, деб ўйлайман. Футболчилар ўзларига талабни юқори қўйишлари лозим. Уларни юқори даражага кўтаришимиз лозим. Шундагина жамоа ғалаба қозонади".