Ла Лига ўзининг расмий сайтида "Реал Мадрид" вингери Винисиус Жуниор март ойининг энг яхши футболчиси деб топилганини эълон қилди.
Март ойида 23 ёшли бразилиялик 3 та ўйинда майдонга тушиб, 5 та гол урди ва 1 та голли узатмани амалга оширди.
"Лос-бланкос" футболчисининг соврин учун рақобатчилари “Барселона” ҳужумчиси Роберт Левандовски, “Реал Сосьедад” ярим ҳимоячиси Брис Мендес, “Вильярреал” ҳужумчиси Александр Серлот ва “Атлетик” футболчиси Горка Горосета эди.
Умуман олганда, Винисиус жорий мавсумда 27 та ўйин ўтказиб, 18 та гол урди ва 8 та голли узатмани амалга оширди.
