Мадриднинг “Атлетико” клуби марказий ҳимоячиси Марио Эрмосо “Интер”га ўтмайди.

Испаниялик футболчининг мавсум якунида, амалдаги шартномаси якунига етгач, "матрасчилар" сафини тарк этиш эҳтимоли юқори. Эрмозога даъвогарлар орасида "Интер" ҳам бор эди, аммо журналист Паскал Гуарронинг сўзларига кўра, "нерадзуррилар" 28 ёшли футболчини сотиб олишни режалаштирмаяпти. Милан клуби марказий ҳимоячига ҳар қандай қизиқиш ҳақидаги маълумотни инкор этмоқда.

Марио Эрмосо жорий мавсумда “Атлетико” сафида 36 та ўйинда майдонга тушиб, 2 та гол урди ва битта голли узатмани амалга оширди.