"Милан" бош директори лавозимини эгаллаб турган Жоржио Фурлани бош мураббий Стефано Пиолининг фаолияти ҳақидаги саволга жавоб берди.
“Ҳозирги мавсумимизни муваффақиятли деб ҳисоблаш мумкин. Худди ўтган йилгидек, рақобатчиларимиз орасида барча кутганлардан ҳам юқори жамоа пайдо бўлди: ўшанда бу "Наполи" эди, энди эса "Интер". Аммо Пиоли "Милан"да албатта ижобий тарихга эга, чунки у клубни Чемпионлар лигасига қайтарди ва Скудеттони қўлга киритди.
Уни тез-тез танқид қилишади, лекин у яхши натижаларга эришди. Клубимизда ҳеч ким Пиолининг позицияси таҳдид остида эканлигини айтмаган. Ҳозир унинг истиқболига баҳо бериш нотўғри бўларди", - деди Фурлани La Gazzetta dello Sport нашрига.
