"Барселона" ўнг қанот ҳимоячиси Эктор Форт тез орада жамоа билан янги шартнома имзолаши мумкин.
17 ёшли футболчининг амалдаги шартномаси келаси мавсум охирида якунига етади. Журналист Маттео Мореттонинг хабар беришича, клуб аллақачон Форт билан музокаралар олиб бормоқда, иккала томон ҳам узоқ муддатли ҳамкорликка содиқ. Шу билан бирга, манбага кўра, "Барселона" ҳали ёш футболчи билан келишувнинг баъзи тафсилотлари, жумладан, унинг асосий жамоадаги роли бўйича келишиб олгани йўқ.
Эктор Форт "кўк-анорранглилар" асосий жамоаси учун еттита ўйин ўтказиб, иккита голли узатмани қайд этди. Испаниялик футболчи тўрт марта асосий таркибда майдонга тушган.
