"Валенсия"га тегишли бўлган Грузия терма жамоаси дарвозабони Гиорги Мамардашвили клубини ўзгартириши мумкин. Tuttosport.com хабарига кўра, "Милан" дарвозабон хизматига қизиқиш билдирмоқда ва Майк Менянга ўринбосар қидирмоқда.
Италия клуби франциялик футболчи билан шартномани узайтириш борасида ҳозирча келиша олмаяпти. Мамардашвили 2022 йилдан буён испан клубида ўйнайди.
Унинг "кўршапалаклар" билан шартномаси 2027 йилгача мўлжалланган ва трансфер нархи 35 миллион еврога баҳоланмоқда. Жорий мавсумда грузиялик дарвозабон Испания чемпионатида 28 та ўйин ўтказиб, 32 та гол ўтказиб юборган.
