"Барселона" бош мураббийи Хави жума куни журналистлар билан суҳбатлашди. Ёш мутахассис ўз жамоасининг чемпионлигига ишонишини таъкидлади.
“Футболчилар терма жамоалардан яхши ҳолатда қайтишди. Бу яхши, чунки охирги пайтларда омадимиз келмаяпти. Футболчилар энди клуб ишларига ўтишлари керак. Энди бор этиборимизни Ла Лигага қаратишимиз керак. Биз чемпионлик учун курашмоқчимиз ва бунга эриша олишимизга ишонамиз”, - деди Хави матбуот анжуманида.
"Барселона" ҳозирда Ла Лига турнир жадвалида иккинчи ўринда бормоқда. Хави шогирдлари “Реал”дан 8 очко ортда қолмоқда.
