Суперлига 4-туридан ўрин олган "Пахтакор" – "Сўғдиёна" (2:3) учрашувидан сўнг мезбонлар бош мураббийи Максим Шацких ўз фикрларини билдириб ўтди.
"Дастлабки голдан кейин негадир тушуниб бўлмайдиган даражада ўйинимиз ўзгарди. Бошқа ҳеч нима дея олмайман.
Маҳорат етишмаяпти. Қолаверса, ақллироқ ўйнаш керак бўлган вазиятларда ҳам хатолар қилаяпмиз. Хатолар жуда хунук ва ёш болаларча хатолар. Мағлубият учун барча жавобгар бўлиши керак. Мураббийлар ўз ишлари учун, футболчилар майдондаги ҳаракатлар учун.
Қатардаги мусобақадан ёшлар қандай кайфиятда қайтишади, билмайман. Бошқа ёшлар бор, уларни синовдан ўтказамиз", - деди Шацких.
