Серхио Рамос Маркос Акуньяга қаратилган ирқчиликка оид қўшиқлар ҳақида гапирди.
Ла Лиганинг 30-туридан ўрин олган учрашувда “Севилья” сафарда “Хетафе”ни мағлуб этди (1:0). Ягона гол Серхио Рамос томонидан киритилди.
Ўйиннинг 60-дақиқасида баъзи мезбон мухлислар ташриф буюрган аргентиналик ярим ҳимоячи Маркос Акуньяни "маймун" деб ҳақоратлай бошлашди.
“Биз ҳурмат сўраймиз ва улар [мухлислар] бу ерга келиб, аҳмоқона гапларни айтмасликларини истаймиз.
Лайнсмен ҳақоратни эшитди ва ҳакам учрашувни тўхтатди. Биз футбол имиджини тозалашимиз керак", - деди “Севилья” ҳимоячиси Серхио Рамос.
