Ярим ҳимоячи Лука Модрич жорий мавсум якунида “Реал”ни тарк этади. Бу ҳақда Todofichajes журналистлари хабар бермоқда.

Манбанинг таъкидлашича, 38 ёшли хорватиялик ярим ҳимоячи Американинг "Интер Майами" клубига ўтишга амалда рози бўлган.

Модрид ёзда бу жамоага қўшилиши мумкин.

Эслатиб ўтамиз, айни дамда "Майами"да Лионель Месси, Луис Суарес, Серхио Бускетс ва Жорди Албалар ўйнамоқда.

Лука 2012 йилнинг августидан бери "қироллик" клуби шарафини ҳимоя қилиб келмоқда.

Томонлар ўртасидаги амалдаги меҳнат шартномаси июнь ойи охирида тугайди. Футболчининг бозор нархи саккиз миллион еврони ташкил қилади.