"Бавария" спорт директори Макс Эберль клуб Юлиан Нагельсманнга мурожаат қилишни режалаштиряптими, деган саволга жавоб берди. Хабарингиз бор, “Бавария” ёзги мавсум оралиғида мураббийларни алмаштиради.
“Нагельсманн? Бу бутун жамоатчиликни қизиқтираётганини биламан. Мен ўз имкониятларимизни ўрганаётганимизни тез-тез айтдим. Аммо мен ҳеч қачон исм айтмаганман", деди Эберль.
Юлиан Нагельсманн бир йил аввал “Бавария”дан ҳайдалган эди. Бу қарорни ўтган мавсум охирида клубдаги ўринларини тарк этган Оливер Кан ва Ҳасан Салиҳамиджич қабул қилган. Нагельсманн айни дамда Германия терма жамоасига устозлик қилмоқда.
