“Сурхон” сафарда “Навбаҳор” меҳмони бўлди. Учрашувнинг 23-дақиқасида Суннатуллоҳ Ҳамиджонов меҳмонларни ҳисобда олдинга олиб чиқди.

Орадан бир неча дақиқа ўтиб, Жаҳонгир Абдусаломов “Сурхон”нинг иккинчи голига муаллифлик қилди.

Биринчи бўлим меҳмон жамоасининг устунлиги билан якунланди. Иккинчи бўлимни эса “Навбаҳор” фаолроқ бошлади ва ҳисобни қисқартирди. 49-дақиқада Азимжон Аҳмедов ўз номини таблога ёздириб қўйди.

Ўйин сўнгида эса “Сурхон” дарвозаси томон пенальти белгиланди. Тома Табатадзе ушбу пеналтини аниқ амалга ошириб, жамоасининг дуранг қайд этишига ҳисса қўшди. Учрашув 2-2 ҳисобида якунланди.

Шу тариқа "Навбаҳор" кетма-кет 3 учрашувда ғалаба қозона олмади. "Сурхон" эса мавсумдаги илк очкосини қўлга киритди.