Эдер Милитао жиддий жароҳатдан сўнг илк бор майдонга тушди.
Мадриднинг “Реал” клуби ҳимоячиси Ла Лига доирасида “Атлетик”га (2:0) қарши ўйиннинг 92-дақиқасида Даниэль Карвахаль ўрнига майдонга тушди. Милитао Ла Лиганинг 1-турида "Атлетик"га қарши ўйинда тиззасидан жароҳат олиб, август ойидан бери майдонга тушмаётганди.
"Мен жуда бахтлиман. Бу мен тушунтириб бера олмайдиган қувонч. Ўша кунлар оғир эди, лекин энди мен яна хурсандман.
Қайтишим ўз майдонимизда бўлиши керак эди - мен жароҳат олган жамоага қарши ўйинда. Бу менга катта бахт келтирди", - деди бразилиялик футболчи ўйиндан сўнг.
