Неймар бир кун аввал “Сантос” – “Палмейрас” учрашувига ташриф буюрди. Бразилиялик футболчи кийиниш хонасига кирди ва у ерда "Сантос" футболчилари ва ходимларига 2025 йилнинг ўрталарида, "Ал-Ҳилол" билан амалдаги шартномаси тугаса, жамоага қайтишини маълум қилди. Бу ҳақда UOL хабар бермоқда.
Шу тариқа, Неймар "Интер Майми"га Лионел Мессининг олдига бормайди, гарчи матбуотда бу каби миш-мишлар тарқалган эди.
Бироқ Неймар "Сантос"га қайтишга қарор қилди. Эслатиб ўтамиз, Неймар жорий мавсум “Ал-Ҳилол” сафида атиги бешта ўйинда майдонга тушди. Бразилиялик футболчи айни дамда тиззасидан олган жиддий жароҳатидан фориғ бўлмоқда.