Германия терма жамоаси бош мураббийи Юлиан Нагельсманнинг "Бавария"га қайтиши мумкин, дея хабар бермоқда журналист Флориан Плеттенберг.

Манба берган хабарга кўра, мюнхенликлар спорт директори Максь Эберль мутахассис билан телефон орқали музокара ўтказган. Қайд этилишича, барча клуб раҳбарияти ҳам бу номзодни маъқулламайди.

Аввалроқ "Бавария" бош мураббийи Томас Тухель 2023/24 йилги мавсум якунида жамоани тарк этишини эълон қилган эди.

Нагельсманн Мюнхен клубини 2021 йилнинг июлидан 2023 йилнинг мартигача бошқарган.

Германия чемпионатининг 27-туридан сўнг “Бавария” 60 очко билан иккинчи ўринда бормоқда. Пешқадам “Байер” билан орадаги фарқ 13 очко.