"Интер" ҳужумчиси Марко Арнаутович мавсум якунланганидан сўнг жамоани тарк этади, деб хабар беради Tuttomercatoweb нашри.
Қайд этилишича, клуб футболчи билан 2025 йилгача шартномани муддатидан олдин бекор қилишга қарор қилган. "Интер" бу борада футболчи билан келишувга эришмоқчи.
Футболчининг тез-тез жароҳат олгани, соғлом бўлганида эса "нерадзуррилар" раҳбариятини қониқтирадиган ўйин кўрсата олмагани учун бундай қарор қабул қилинган.
Бу ҳолатда австриялик футболчи жорий мавсум якунида эркин агент сифатида жамоани тарк этади. 34 ёшли Арнаутович жорий мавсумда “Интер” сафида барча мусобақаларда 29 та ўйин ўтказиб, 3 та гол ва 4 та голли узатмани амалга оширди.
