"Манчестер Сити" ёзги трансферлар вақтида ўз таркибини кучайтириш имкониятларини ўрганмоқда.
"Манчестер Сити" "Вест Хэм" футболчиси Лукас Пакета учун таклиф тайёрламоқда, дея хабар беради Football Insider нашри.
"Шаҳарликлар" ўтган ёзда Пакета учун 80 миллион фунт тўлашга тайёр эди. Футболчи пул тикиш қоидаларини бузиш эҳтимоли бўйича терговга жалб қилингани учун келишув амалга ошмади. Келгуси ёзда "шаҳарликлар" Бразилия терма жамоасининг 26 ёшли футболчисини қўлга киритишга янги уринишади.
2023/2024 йилги мавсумда Лукас Пакета 34 та ўйинда майдонга тушиб, 7 та гол ва 7 та голли узатмани амалга оширди.
