"Интер" бош мураббийи Симоне Индзаги ўйиндан кейинги журналистлар билан суҳбатни ўтказиб юборишга мажбур бўлди.
А Сериянинг 30-тури доирасидаги ўйинда “нерадзуррилар” “Эмполи” устидан ғалаба қозонишди. Журналист Даниэле Марининг сўзларига кўра, “Интер” бош мураббийи ўйин давомида овозини йўқотган, шу сабабли ўйиндан кейинги матбуот анжуманида унинг ўрнига ёрдамчи Массимилиано Фаррис келган.
“Интер” 79 очко билан А Серия турнир жадвалида биринчи ўринда бормоқда. Симоне Индзаги шогирдлари иккинчи ўриндаги “Милан”дан 14 очко олдинда.
