"Бавария"нинг собиқ бош мураббийи Ханс-Дитер Флик клубга қайтиш имкониятини рад этмади.
Мутахассис 2021 йилда Германия терма жамоасини бошқариш таклифини қабул қилиб, мюнхенликларни тарк этганди. 2023 йилнинг сентябрида Германия футбол ассоциацияси Фликни ишдан бўшатди ва шундан бери мураббий ишсиз. Журналист Георг Хользнер хабар беришича, 59 ёшли мураббий ўзининг "Бавария"га қайтишини рад этмайди, аммо клуб унинг номзодини устувор вазифалардан бири деб ҳисобламайди.
"Бавария"да Томас Тухель ўрнига асосий номзодлар - Юлиан Нагельсманн (Германия терма жамоаси), Ральф Рангник (Австрия терма жамоаси) ва Роберто де Дзерби (Брайтон).
