Германия терма жамоаси раҳбарияти Юлиан Нагельсманни бош мураббий сифатида сақлаб қолишга қарор қилган.

Журналист Флориан Плеттенберг хабарига кўра, "Бундестим" мутахассисга ЖЧ-2026 якунига қадар амал қиладиган янги шартнома таклиф қилмоқчи.

Эслатиб ўтамиз, Нагельсманнинг Германия терма жамоаси билан амалдаги шартномаси шу ёзда, Европа чемпионати якунида тугайди.

Агар Юлиан клуб футболига қайтишдан бош тортса, у яна бир неча йил терма жамоада қолиши мумкин. Аввалроқ, Нагельсманнинг қайтишига "Бавария" қизиқаётгани ҳақида хабарлар тарқалган эди.