Франциялик мутахассис Зинедин Зидан Франция терма жамоасидан иш таклифини кутар экан, клубларнинг у ердаги мураббийлик таклифларини рад этмоқда. Бу ҳақда Mundo Deportivo хабар бермоқда.
Манбага кўра, айни дамда Франция терма жамоасида ишлаш Зиданни мураббийликка қайтишга ундайдиган ягона вариант. “Реал”нинг собиқ устози Франция футбол федерациясидан таклиф кутар экан, бир қатор клублар, жумладан “ПСЖ” таклифларини рад этди.
Таъкидланишича, Зидан Испанияда ўз ҳаётини йўлга қўйган ва бу мамлакатни доимий равишда тарк этишни истамайди. Франция терма жамоасида ишлаш унга Мадридда яшашни давом эттириш имконини беради ва фақат Франция терма жамоаси ўйинларига саёҳат қилганда шаҳарни тарк этади.
Ҳозирда Франция терма жамоасини шартномаси 2026 йилнинг ёзига қадар тузилган Дидье Дешам бошқармоқда.
