Каталониянинг "Барселона" клуби ярим ҳимоячиси Педри жорий Чемпионлар лигаси финалида қайси жамоалар ўйнаши ҳақида ўз фикрларини билдириб ўтди.

Эслатиб ўтамиз, испаниялик футболчи айни дамда жароҳатидан фориғ бўлмоқда, аммо энг нуфузли еврокубокнинг чорак финалида “ПСЖ”га қарши ўйнашдан умидини йўқотмаяпти.

"Чемпионлар лигаси финали? Ўйлашимча, "Барселона" ва "Манчестер Сити" ўйнайди, аммо "Барселона" - "Реал Мадрид" беллашуви ҳам яхши бўларди", - деди Педри The Residency нашрига.

Эслатиб ўтамиз, "Барселона" ярим финалга чиққан тақдирда "Атлетико Мадрид" ёки "Боруссия Дортмунд" билан ўйнайди. "Реал" ва "Манчестер Сити" чорак финалда ўзаро тўқнаш келишади.