Осиёнинг 4 карра энг яхши ҳаками Равшан Эрматов кеча БААда бўлиб ўтган "Ал-Жазира" ва Саудия Арабистонининг "Аш-Шабоб" клублари ўртасидаги баҳсни бошқариб борди.
Учрашувда 1:1 ҳисоби қайд этилди. Саудияликлар биринчи бўлим сўнгида ҳисобни очишган бўлса, иккинчи бўлимда мезбонлар ҳисобни тенглаштиришди. Учрашувнинг 84-дақиқасида Эрматов "Ал-Жазира" футболчиси Матиас Делгадога тўғридан-тўғри қизил карточка кўрсатди.
Мана шу четлатишни инобатга олмаганда, ўзбекистонлик ҳакам меҳмонларнинг бир нафари футболчисига сариқ карточка кўрсатган холос. Демак, бу ўйинда Эрматов чўнтагидан қизил ва сариқ карточкларни бир мартадан чиқарди.
Дарвоқе, ушбу ўйинда бош ҳакамга Абдуҳамидулло Расулов, Баҳодир Қўчқоров ёрдам беришди. Захира ҳаками вазифасини эса Владислав Цейтлин бажарди.