Мадриднинг "Реал" клуби собиқ ярим ҳимоячиси Гути жамоанинг ҳозирги таркибини "Галактикос"га қиёслади.
Гути Килиан Мбаппенинг "Марсел"га қарши ўйинда алмаштирилганидан норозилигига ҳам шундай жавоб қайтарди: "Юлдуз футболчи учун унинг хатти-ҳаракатларида ғайриоддий нарса йўқ. Бу юлдузлар учун хосдир. Юлдуз бўлиш учун шундай характер керак бўлади".
"Мадриддаги (Галактикос пайтида) қандай мавқеим борлигини билардим. Мен бор кучим билан ҳаракат қилдим. Мен ҳисса қўшишим мумкинлигини билардим. Мен Макелеленинг ёнида ярим ҳимоячи сифатида ўйнаганимда, менда танлов борлигини билардим: Фигу, Зидан ёки Роналдога ўтиш, чунки улар мен учун ўйинни ҳал қилишларини билардим.
Нега Макелеле кетгач, ҳамма: "Биз "Реал Мадрид"нинг асосий таянчини йўқотдик?" - дейишган? Чунки Макелеле нима қилиш кераклигини жуда яхши биларди.
Ҳозир "Реал Мадрид"да Вальверде ҳам ўз ролини аниқ тушунади, Камавинга ўз ролини аниқ тушунади. Бу композиция "Галактикос"дан анча яхши. Таркиб жиҳатидан клуб "Галктикос"га қараганда анча яхши жамланган", - деди Мадриднинг собиқ футболчиси El Chiringuito телеканалида.
