"Арсенал" дам олиш кунида "Манчестер Сити"ни қабул қилиб, 0:0 ҳисобида дуранг ўйнади. Шу билан бирга, лондонликлар вақти-вақти билан кўп сонли футболчилар билан ҳимояланишга мажбур бўлишди. "Лутон Таун"га қарши ўйин олдидан бўлиб ўтган матбуот анжуманида "канонирлар" устози Микель Артета натижа учун ўйин услубини ўзгартириши ҳақида гапирди.
"Услубни ўзгартиришми? Баъзан сиз хоҳлаганингиз учун мослашасиз, баъзан эса керак бўлгани учун мослашасиз. Мафкураларингизни четга суриб, чидамли бўлишингиз керак бўлган пайтлар бўлади. Биз ўз ўйинимизда руҳий жиҳатдан кучли эдик" - деди Артета.
Шу билан бирга, Артета бир очко қўлга киритиш уни қаноатлантирмаслигини аниқ айтди. "Сиз ғалаба қозониш учун ўйинга тайёргарлик кўрасиз. Ғалаба қозониш учун ҳамма нарса борлигини ҳис қилсангиз, лекин якунда ғалаба йўқ, бу эса сизни қониқтирмайди", - дея таъкидлади испаниялик мураббий.
