"Манчестер Юнайтед" марказий ҳимоячиси Лисандро Мартинес яна жароҳат олди.
26 ёшли футболчи яқинда февраль ойида олган жароҳатидан тузалиб кетганди. Журналист Гастон Эдулнинг сўзларига кўра, аргентиналик футболчи машғулот вақтида болдир мушагини шикастлаб олган, шу сабабли у 3-4 ҳафтани ўтказиб юборади. Бу “қизил иблислар” марказий ҳимоячисининг жорий мавсумдаги учинчи жароҳатидир.
Лисандро Мартинес ушбу мавсумда "Манчестер Юнайтед" сафида 11 та ўйинда майдонга тушиб, битта голли узатмани амалга оширди.
