"Ювентус" спорт директори Кристиано Жунтоли трансфер бозорида ишлаш борасидаги саволга жавоб берди.

Туринликлар жорий мавсумнинг иккинчи ярмида муваффақият қозона олишмаяпти, шу сабабли ҳам ёзги трансфер ойнасида таркибни кучайтиришга мажбур бўлишлари мумкин.

“Ҳозир биз бор эътиборни ҳозирги кунга қаратганмиз. Биз Италия кубоги финалига чиқишни истаймиз, бунда ғалаба қозонамиз деган умиддаман. Айни дамда трансферлар ва келажак ҳақида гапиришни истамайман. Бизнинг стратегиямиз клубнинг молиявий имкониятларини инобатга олган ҳолда ишлаб чиқилади, аммо Италияда ва хорижда рақобатбардош бўлишимизга имкон бериши керак", - деди Жунтоли "Лацио"га қарши Италия кубоги ярим финалининг биринчи ўйини олдидан Mediaset нашрига.