Криштиану Роналду "Абҳа" дарвозасига жарима зарбасидан иккита гол урди.
Саудия Арабистони чемпионатининг 26-тури ўйинининг 11 ва 22-дақиқасида у рақиб дарвозасига стандарт вазиятдан гол киритди.
Охирги марта форвард 2023 йил 23 март куни Португалия терма жамоаси сафида Лихтенштейнга қарши ўйинда жарима зарбасини гол билан якунлаганди.
Роналду охирги марта 2011 йилнинг 15 майида жарима зарбасидан дубл қайд этганди. Ўшанда "Реал" "Вильярреал" устидан ғалаба қозонган.
Умуман олганда, 39 ёшли футболчи жарима зарбаларидан 63 та гол урган. Лионель Мессида эса 65 та шундай гол бор.
