Лондоннинг “Арсенал” клубининг собиқ футболчиси Пол Мерсон эртага Англия Премьер-лигаси доирасида “Стэмфорд Бриж”да бўлиб ўтадиган “Челси” – “Манчестер Юнайтед” учрашуви ҳақида ўз тахминини айтди.
"Челси" ўз уйида устунликка эга бўлиши мумкин, аммо улар устунлик қиладиган жамоа эмас. Агар "Челси" "Манчестер Юнайтед"ни мағлуб этмаса, мухлислар жуда норози бўлишади. Бу қийин ўйин бўлади, лекин ўйлайманки, майдон эгалари ғалаба қозониши керак. Мен 2:1 ҳисобида "Челси" ғалабасини кутаман", — дея Мерсон сўзларидан иқтибос келтиради журналист Саймон Филлипс.
Эслатиб ўтамиз, "Челси" охирги марта 2017 йилда АПЛда "Манчестер Юнайтед"ни мағлуб этганди. Ўшанда "кўклар" ўз майдонида Альваро Моратанинг голи эвазига минимал ҳисобда ғалаба қозонган.
