"Барселона" ёзда ўнг қанот ҳимоячиси Эктор Фортни йўқотиш хавфи остида. Mundo Deportivo хабарига кўра, 17 ёшли ҳимоячининг шартномасида товон пули 6 миллион еврога тенг. Ёзда ҳар қандай манфаатдор клуб бу пулни тўлаб, доимий равишда трансферни ташкил қилиши мумкин.
Аввалроқ, ёш ҳимоячининг трансферига Франциянинг "ПСЖ" қизиқиш билдираётгани ҳақида хабарлар тарқалган эди. Шу билан бирга, “Барселона” раҳбарияти вазиятдан хабардор ва Фортни бой беришни истамаяпти. “Кўк-анорранглилар” футболчига янги шартнома таклиф қилиб, уни сақлаб қолишга ҳаракат қилади.
Испания чемпионатининг ушбу мавсумида Форт тўртта ўйинда битта голли узатмани амалга оширди.
