ЖЧ-2018 чемпиони Поль Погба антидопинг қоидаларини бузгани учун 4 йиллик дисквалификацияси устидан Спорт арбитраж судига (CAS) апелляция берди. Бу ҳақда CAS матбуот хизмати хабар берди.
"Поль Погба Италия Миллий антидопинг ташкилоти қарори устидан апелляция берди. Ҳозирча бошқа маълумот йўқ", - дея хабар беради матбуот хизмати.
29 февраль куни италиялик журналист Николо Скира Италиянинг "Ювентус" клуби ярим ҳимоячиси Погба антидопинг қоидаларини бузгани учун 4 йилга дисквалификация қилингани ҳақида хабар берди.
Эслатиб ўтамиз, аввалроқ ANSA Погбанинг "Удинезе"га қарши Италия чемпионати 1-тур учрашувидан кейин (3:0) допинг-тести тестостеронга ижобий натижа бергани ҳақида хабар берганди. Футболчи вақтинчалик "Ювентус"да ўйнашдан четлаштирилди. 6 октябрь куни Погбанинг иккинчи допинг тести ҳам ижобий натижа берди.
