Чоршанба оқшомида (Европа вақти билан) КОНКАКАФ Чемпионлар Кубоги доирасида "Интер Майами" Монтеррейга қарши ўйнайди.
МЛС клуби бош мураббийи Херардо Мартино юлдуз Лионель Месси майдонга туша оладими, деган саволга жавоб берди.
Аввалроқ Месси машғулотларни қайта бошлагани ҳақида хабар берилганди.
"Леода жароҳат бор ва биз уни кутишимиз керак. Эртага бизни муҳим ўйин кутиб турибди, лекин апрел эндигина бошланди, ҳаммаси энди бошланмоқда.
Футболчиларимизнинг ҳолатини хавф остига қўйиб бўлмайди. Биз Лео учун ҳам, бошқа ҳар бир футболчи учун ҳам нима яхшироқ эканини аниқлаймиз", - дея Мартинонинг сўзларини келтиради Goal портали.
