Кўпчилик ашаддий футбол ишқибозлари учун футболсиз яшаш қийин. Шу жумладан, футболчилар учун ҳам ўйинларни томоша қилиш уларнинг ҳаётининг бир қисми деган таассурот мавжуд. Бироқ бу фикр ҳар доим ҳам ўзини оқламайди.
Биз телевизорда чиройли ўйин кўрмаслигини, стадиондаги ўйинларга бормаслигини айтган айрим футболчилар хусусида сўз юритамиз.
Бен Уайт
Ўтган йили Sky Sports нашрига берган интервьюсида Бен Уайт шундай деган эди: "Мен ўз ўйинимни таҳлилий сабабларга кўра кузатиб бораман холос. Мен баъзида АПЛ ўйинларини кўришим мумкин, лекин мен доим бандман. Шунчаки диванда ўтириб, телевизорда ўйин кўрмаган бўлардим. Ёшлигимда ҳеч қачон футбол ўйинларини кўрмаганман. Мен буни ҳали ҳам тушунмаяпман. Менга бу спорт ёқади, мен уни доим ўйнаганман, лекин томоша қилиш учун вақт йўқ. Мен катта авлодлар ҳақида унчалик маълумотга эга эмасман".
Бироқ, бу унинг маълум чўққиларни забт этишига тўсқинлик қилмади. Бошланиши қийин бўлишига қарамай, у "Арсенал"да ўзини яхши кўрсатди. Ишончимиз комилки, Уайт майдонда ўзининг ноёб қобилиятини намойиш этишда давом этар экан, клуб мухлислари юқорида тилга олинган афсонавий франциялик ярим ҳимоячи ҳақида етарлича маълумотга эга бўлиб боради. Хабарларга кўра, унинг бўш вақтида ўйинни томоша қилишга бефарқлиги Англия терма жамоаси бош мураббийи ёрдамчиси Стив Холанднинг жаҳлини чиқарган ва бу жуфтлик сўнгги жаҳон чемпионатида жанжаллашиб қолган.
Гарет Бэйл
Гарет Бэйл футбол ўйнашни яхши кўрарди. Аммо, Испания матбуотининг Мадриддаги бўлимлари бизга тез-тез эслатганидек, у гольф ўйнашни янада яхши кўради. Бундан ташқари, у нафақат майдонда ўйнайди, балки телевизорда гольф томоша қилишни ҳам яхши кўради.
2018-йилда у ESPN'га шундай деганди: “Тўғрисини айтсам, мен футбол кўрмайман. Мен гольф ўйнашни афзал кўраман".
Карлос Тевес
Аргентинанинг "Бока Хуниорс" клуби Карлос Тевесни яхши кўради, аммо "Эл-Апаче"га бўлган эҳтирос умуман футбол ўйинига тааллуқли эмас. Гарет Бэйл сингари, у гольф тўпларини яхши кўради.
2018 йилги интервьюсида Тевес шундай деган эди: "Менга футбол ёқмайди. Агар телеканаллардан бири ҳозир “Барселона” – “Реал Мадрид” ўйинини кўрсатаётган бўлса ва яна бир каналда гольф турнири эфирга узатилса, мен гольфни томоша қиламан. Мен ҳеч қачон футбол мухлиси бўлмаганман".
Ўшандан бери унинг фикри бироз ўзгарганини тасаввур қила оласизми? Футболчилик фаолиятини якунлагач, дарҳол клуб бошқарувига ишга киришди. Умид қиламизки, "Индепендиенте" учун у ҳеч бўлмаганда вақти-вақти билан телевизорда футбол томоша қилади, чунки унинг бевосита рақибларини ўрганиш керак.
Марк Андре Тер Стеген
Немис дарвозабони Марк-Андре тер Стеген ҳақли равишда дунёнинг энг яхши дарвозабонларидан бири ҳисобланади. Лекин у ҳам йилига миллионлаб евро ишлаб топадиган спорт ўйинларини телевизорда кўришни хоҳламайди. Ҳаммаси шу даражага етдики, у яқин кунларда ўзи ўйнайдиган футболчиларнинг номини ҳам айта олмаяпти.
2020 йилда у El Pais'га шундай деган эди: "Одамлар футбол ҳақида ҳеч қандай тасаввурим йўқлигини айтсам, кулишади. Мен футболни жуда кўп кўрмайман, фақат ажойиб ўйинлар бўлса ёки улар менга алоҳида қизиқиш уйғотса: балки менинг жамоам ўйнаганда ёки яқин дўстим майдонда бўлсагина кўришим мумкин. Баъзан мендан жуда машҳур футболчининг исмини сўрашади, лекин мен у ҳақида ҳеч қандай тасаввурга эга эмасман. Мисол учун, Ла Лигада бу мен билан тез-тез содир бўлади. Мен ҳеч кимнинг исмини билмайман. Аммо кейинроқ, улар менга видеони кўрсатишганда, мен бу одамни аввал кўрганлигимни айтаман", – деди футболчи.
Роналдиньо
Роналдиньо иштирокидаги ўйинларни томоша қилиш барчамизга катта қувонч олиб келди ва ҳозир ҳам катта қувонч келтирмоқда. Лекин у, албатта, бошқаларнинг футбол ўйнаётганини кўришни ёқтирмайди.
2021 йилда Ибай Льянос исмли испаниялик интернет юлдузига берган интервьюсида Роналдиньо шундай деганди: "Мен ҳеч қачон футбол томоша қилишни ёқтирмаганман. Менга ўйиннинг энг муҳим дақиқалари ва голларни томоша қилиш ёқади, лекин 90 дақиқа давомида ўйинни томоша қилиш, албатта, менга тааллуқли эмас".
